Sunday, August 14, 2011

പ്രകാശമാനമായ കവിതകളുമായി മെറിയം

പ്രകാശമാനമായ ഭാവി വരികളിലൊതുക്കിയ മികച്ച ഇംഗ്ലീഷ് കവിതകളുമായി മെറിയം ജോസഫ്. കരിക്കംപള്ളില്‍ കളപ്പുരയ്ക്കല്‍ ജോസഫ് ജോര്‍ജിന്റെ (ജോസുകുട്ടി) മകളാണ് പന്ത്രണ്ടുകാരിയായ മെറിയം.

കോട്ടയത്ത് 1999 ഓഗസ്റ്റ് 30-നു ജനനം. യുഎഇയിലും ഒമാനിലുമായിട്ടാണ് മെറിയത്തിന്റെ വിദ്യാഭ്യാസത്തിന്റെ തുടക്കം. ഫുജൈറ സെന്റ് മേരീസ് കാത്തലിക് സ്‌കൂള്‍, സലാല ഇന്ത്യന്‍ സ്‌കൂള്‍, ഷാര്‍ജ ഡിപിഎസ് എന്നിവിടങ്ങളില്‍ പഠിച്ചു. പിന്നെ കേരളത്തിലെത്തി കൊച്ചി ഇടപ്പള്ളി കാമ്പിയന്‍ സ്‌കൂളിലും. ഇപ്പോള്‍ കൊച്ചി കാക്കനാട് രാജഗിരി ക്രിസ്തു ജയന്തി പബഌക് സ്‌കൂളില്‍ ഏഴാം സ്റ്റാന്‍ഡാര്‍ഡ് വിദ്യാര്‍ഥിനി. ജോര്‍ജി സഹോദരന്‍.

ഭാവി തലമുറയ്ക്കു വേണ്ടി പരിസ്ഥിതി സംരക്ഷിക്കണമെന്ന പ്രമാണവാക്യമാണ് മെറിയത്തിനുള്ളത്. ഒന്‍പതാം വയസില്‍ ഇംഗ്ലീഷില്‍ കവിതകളും കഥകളും എഴുതാന്‍ തുടങ്ങിയ മെറിയത്തിന്റെ കവിതകളുടെ പ്രചോദനം പ്രകൃതിയും സമൂഹവുമാണ്. എഴുതിയ പ്രധാന കവിതകള്‍ Into The Future I Take A Peep, Three Lazy Bulky Women, A Splendid Day, The River That Flows On and On, My Weird Friend, Naughty Brother, Christmas Is On Its Way, Rabbit on the Stage! ! ! !, It's Just in Your Mind തുടങ്ങിയവയാണ്. ഈ കവിതകള്‍ പോയംഹണ്ടര്‍ ഡോട്ട് കോം എന്ന വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്. വെബ്‌സൈറ്റില്‍ യുവ കവയിത്രികളില്‍ മുന്‍നിര സ്ഥാനം മെറിയത്തിനുണ്ട്. വെബ്‌സൈറ്റില്‍ പ്രസിദ്ധീകരിച്ചിട്ടുള്ള കവിതകളും അവയെ വിലയിരുത്തിക്കൊണ്ടുള്ള കുറിപ്പുകളും വായിക്കാന്‍ ഇവിടെ ക്ലിക്ക് ചെയ്യുക.

കേരള സര്‍ക്കാര്‍ ഇക്കണോമിക്‌സ് ആന്‍ഡ് സ്റ്റാറ്റിസ്റ്റിക്‌സ് വകുപ്പ് അഡീഷണല്‍ ഡയറക്ടറായി വിരമിച്ച ടത്വ ചെക്കിടിക്കാട് കരിക്കംപള്ളില്‍ കളപ്പുരയ്ക്കല്‍ കെ.എ.ജോര്‍ജിന്റെ (വക്കച്ചന്‍)-യും പാലാ ചേര്‍പ്പുങ്കല്‍ മങ്കര മറിയക്കുട്ടിയുടേയും മൂന്നാമത്തെ മകനാണ് ജോസുകുട്ടി. ഖത്തറിലെ ദോഹയില്‍ ജോലി ചെയ്യുന്നു. എഎംജിസിസി-ഖത്തര്‍ ഓപ്പറേഷന്‍സ് മാനേജര്‍. ഭാര്യ തുരുത്തി നേര്യംപറമ്പില്‍ കൊച്ചുറാണി.

No comments:

Post a Comment